Apologies for "churls," the Miller, Reeve, and "othere mo" (GP ll. 3167-86)

What sholde I moore seyn, but this millere
He nolde his wordes for no man forbere,
But tolde his cherles tale in his manere. 
M' athynketh that I shal reherce it heere.             3170
And therfore every gentil wight I preye,
For goddes love, demeth nat that I seye
Of yvel entente, but for I moot reherce
Hir tales alle, be they bettre or werse,
Or elles falsen som of my mateere.
And therfore, whoso list it nat yheere,
Turne over the leef and chese another tale;
For he shal fynde ynowe, grete and smale,
Of storial thyng that toucheth gentillesse,
And eek moralitee and hoolynesse.                  3180
Blameth nat me if that ye chese amys.
The millere is a cherl, ye knowe wel this;
So was the reve eek and othere mo,
And harlotrie they tolden bothe two.
Avyseth yow, and put me out of blame;
And eek men shal nat maken ernest of game.